Kryeministri Edi Rama do të jetë pasditen e sotme në Ballsh për të dialoguar me gratë naftëtare të cilat sot futen në ditën e 26 të grevës së urisë.
Mësohet se Rama do të shkojë në Ballsh në orën 18:00 për t’u takuar me naftëtaret.
Naftëtaret e Ballshit deklaruan dje se do të lënë grevën për të paktën dy orë për t’u ulur në bisedime me kreun e qeverisë, por paralajmëruan se nëse ai nuk do i japë zgjidhje problemit të tyre ato do të “ngujohen” sërish.
Pikë e panegociueshme në kërkesat e tyre janë pagat e prapambetura, ndërsa kërkojnë të zgjidhet edhe vijimësia e punës në rafineri.
