Pas vendimit që mori qeveria për ulje të TVSH në 6% për akomodimin në hotele, kryeministri Edi Rama tha se këtë vit rritja e numrit të turistëve do të jetë akoma më i lartë krahasuar me 2016.
Gjatë një vizite në një biznes turistik, sektori i turizmit vitin e shkuar sipas Ramës, gjeneroi mbi një miliardë lekë të ardhura.
” 17.5% rritje brenda një sezoni. Ndërkohë që unë ju siguroj se këtë vit do të ketë shumë më tepër. Do ketë një impakt shumë të madh. Ka qenë 1 miliardë e 200 e ca milion të ardhura vitin e kaluar vetëm nga turistët”, tha Rama.
Në takimi ishte edhe ministrja e Zhvillimit Ekonomik, Milva Ekonomi e cila bëri më dije një linjë të re charter me Poloninë.
“Kemi një kompani që quhet Itaka që e ka qendrën e Poloni dhe të gjithë turistët i merr nga Polonia, Çekia, Ukraina dhe i sjell në Shqipëri. Për këtë vit e kanë mbyllur kontratën dhe në 23 maj fillon fluturimi i parë dhe përfundon në fund të shtatorit”, tha Ekonomi.
