Gjatë fjalës së tij sot në konferencë Sali Berisha ka folur rreth akuzave se Ilir Meta ka qenë pjesë e SHISH, pas dokumenteve që u publikuan nga Autoriteti i Dosjeve. Sipas Berishës, Ram pasi i druhet opozitës së fortë. Kryedemokrati thotë se personi në dokumente është Ilir Rexhep Meta nga Librazhdi, pra s’ka asnjë lidhje me ish-presidentin.
“Unë deklarova dy ditë më parë që gjithçka është një trillim i paskrupujt i Edi Ramës. I një njeriu që pa asnjë moral përdor shpifjen dhe trillimin kundër kundërshtarit politik. Nuk ka akt më të shëmtuar, sepse unë i kam ato aktet në dorë. Edi Rama e ka bërë në mënyrën më të trashë këtë kurth. Cilido që lexon email-in e ka të qartë se I.M është Ilir Murati nga Librazhdi dhe Filip Tare është nga Librazhdi dhe nuk ka asnjë lidhje me Ilir Rexhep Metën. Edi Rama ka keqshfrytëzuar në mënyrën më të shpifur qoftë kryetaren e Autoritetit të Dosjeve, qoftë Linda Nikollën. Unë mund t’ju them ju se në dokumentin e drejtuar Linda Nikollës, akuzon direkt Ilir Metën për bashkëpunëtor të Sigurimit të Shtetit”, u shpreh ai. Ndërsa, theksoi se Rama po përdor institucionet për të larguar vëmendjen nga skandalet e fundit si: inceneratorët dhe abuzimin me Butrintin
