Kryeministri Edi Rama ka marrë pjesë në mbledhjen e parë të Këshillit Koordinativ të Diasporës në Tiranë.
Gjatë fjalës së tij, Rama nuk ka nguruar të përfitoje nga rasti dhe të kërkojë edhe ndihma për fazën e Rindërtimit nga Diaspora.
“Sot shumë gjëra kanë ndryshuar më vjen mirë që sistemi ynë është në gjendje të përballojë një emergjencë të tillë edhe pse dëmet janë shumë të mëdha. Më vjen mirë që 13 mijë banorë u sistemuan nëpër hotele e struktura të tjera si shtëpi me qira. Brenda muajit janar të kemi një faturë paraprake të dëmeve të tërmetit. Faturimi i dëmeve është një proces që vazhdon dhe fill pas kësaj do të jetë rindërtimi. Është një proces që do të ketë një përcaktues ndikim në të ardhmen tonë. Duam të dalim më të forta nga kjo situatë. Falë procesit të rindërtimit të krijojmë një marrëdhënie të re me njerëzit. Disapora ka qenë investuesi më i madh në Shqipëri. Statistikat thonë se 86% e familjeve shqiptare kanë përfituar ndihmë financiare nga të afërmit jashtë. Miliona dollarë u mblodhën pas tërmetit. Duhet të bëjmë një sërë iniciativash për t’i dhënë rol Diasporës për një forcë shumë të madhe”, tha Rama.
