Kryeministri Edi Rama i ka drejtuar një apel kryedemokratit Lulzim Basha në konferencën e përbashkët për shtyp me ambasadorin BE-së Luixhi Soreka, pas dorëzimit të progres raportit.
Rama i bëri thirrje Bashës që deri në vendimmarrjen e KiE të mendojmë për Shqipërinë, jo partinë.
“Sot mos të flas për opozitën në gjuhë të huaj, pra përkthyesi mos të përkthejë asgjë për opozitën, ama kam një apel për Lulzim Bashën dhe atë pjesë ë opozitës që është rrugëve, deri në vendimmarrje është mirë të mendojmë për Shqipërinë jo për partinë, për gjeneratën tjetër jo për zgjedhjet e radhës, të mos furnizojmë ata që janë të lëkundur apo në kërkim të arsyeve për të thënë jo, me pamje të gënjeshtërta që nuk pasqyrojnë realitetin nga Tirana, protestash që janë partiake dhe jo popullore“, tha Rama.
