Kryeministri Edi Rama është sot i pranishëm në samitin mes BE-së dhe vendeve arabe që po mbahet në Athinë. Mësohet se gjatë samitit Rama të takohet edhe me kryeministrin grek Kyriakos Micotaqis, ku do të diskutohet për disa çështje që lidhin dy vendet.
Mes çështjeve që pritet të diskutohen është Marrëveshja e Detit me Shqipërinë të 2009-s, apo dhe qëndrimi i Micotaqis në lidhje me mbështetjen që Greqia do t’i ofrojë Shqipërisë për hapjen e negociatave, me kusht që të mbrohen interesat e minoritetit grek në Shqipëri.
Kujtojmë se më herët kryeministri grek u shpreh në fjalën e tij se Shqipëria dhe Maqedonia e Veriut do të jenë nën vëzhgim për plotësimin e kushteve për hapjen e negociatave.
