Kryeministri Rama po zhvillon një konferencë me ekipin e negociatorëve për në BE. AI iu ka drejtuar atyre në fillim me disa kërkesa, duke thënë se janë detyra që ata duhet t’i përmbushin për t’u shërbyer qytetarëve. Rama tha se i gjithë ekipi duhet të koordinohen më së mire me njeri-tjetrin dhe të punojnë çdo ditë për çështjen e negociatave. Më tutje ai iu bëri të qartë atyre që do të shkojnë çdo javë në Bruksel për të parë nga afër situatën si dhe për të paraqitur punën e Shqipërisë, duke theksuar se tashmë është koha të japim përshtypje të mirë.
“Do garantojmë maksimumin e kordinimit të të gjithë ju në një proces që është sfidues. Posaçërisht për adresimin e problematikave të çdo sektori dhe për koordinimin mes sektorëve. Angazhimi për procesin duhet të jetë prioriteti absolut dhe i të gjithë atyre që janë nën varësinë tuaj. Nuk është e tepërt ta përsërisim se në këtë proces intensiteti i punës tuaj rritet eksponencialisht, nuk jemi më në kushtet e intensitetit të deritanishëm. Vizitat tuaja në Bruksel dhe të përfaqësuesve janë të përjavshme. Shqipëria duhet të shikohet me respekt në çdo hap. Dua që në Bruskel, skuadra shqiptare të krijojë një përshtypje pozitive dhe dua që të flitet për seriozitetin dhe për këmbënguljen e për cilësinë e punës të skuadrës shqiptare. Pjesën më të madhe tuajën kam pasur mundësi t’i njoh dhe ta shikoj në një progres të caktuar”, tha ai Kujtojmë se pak ditë më parë ai shkarkoi Zef Mazin nga posti si kryenegociator dhe emëroi Majlinda Dhukën.
