Kryeministri Edi Rama ka transmetuar në Facebook pamje nga brendësia e Laboratorit të Testimeve të Institutit të Shëndetit Publik.
Në pamje duken stafi që shpjegon hap pas hapi sesi dalin rezultatet nga testimi për koronavirusin me metodën PCR.
Shefja e Departamentit të Sëmundjeve Infektive në Institutin e Shëndetit Publik, Silva Bino duke folur për situatën aktuale, u shpreh se pika e fortë e strategjisë është studimi epidemiologjik.
Bino shtoi po ashtu se ekipet në terren janë dyfishuar dhe po bëjnë një punë të mirë.
