Kryeministri nuk mohon ti ketë ofruar kreut të opozitës postin e zëvëndëskryeministrit në krye të mekanizimit të ri që do të monitorojë të gjitha strukturat e shtetit që kanë ndikim në zgjedhje
Kryeministri Edi Rama ka deklaruar se i ka ofruar kryetarit të opozitës një mekanizëm të detajuar që i garanton besimin për të hyrë në zgjedhjet e 18 Qershorit. Rama tha se nuk mund të diskutohet më shtyrja e datës së zgjedhjeve ndërkohë që dha disa detaje të cilat parashikojnë një kontroll të plotë të opozitës mbi të gjtiha ato institucione që kanë ndikim në proçesin e zgjedhjeve. Me sa duket ky mekanizëm parashikohet të drejtohet nga zv/kryeministri, të cilin Rama mësohet se ia ka ofruar opozitës.
“Kemi rënë dakord të mos flasim por me sa duket fjalët kanë marrë dhenë. Kam propozuar atë çka besoj shumë se adreson problemet objektive pra një monitorim si asnjëherë më parë të gjithë strukturave të shtetit të policisë së shtetit, të drejtorive raionale arsim dhe gjithë sistemit tonë arsimor ku janë edhe pikat që kanë qënë pikat e adresuara si problematikë në votime të mëparshme dhe njëkohësisht një rregullore të dakordësuar për mënyrën se si duhet shmangur përdorimi i aseteve në fushatë apo një kategori e caktuar qeveritare që nuk duhen përdoru në fushatë.
Nuk komentoj kundërshtarin që isha në tavolinë pyeteni atë. Ne nuk presim vazhdojmë punën dhe siç e shihni e kemi nisur angazhimin plotë elektoral por do gjejmë edhe kohën për të disktuuar deri kur të fillojë shtypja e fletëve të votimit.
S’kam takim tjetër por jam gati nëse ata duan takim tjetër i gatshëm për të.
Nuk e shtroj për diskutim datën e zgjedhjeve. Është një mekanizëm i tërë që propozohet për të kryer atë që thashë më pare”, tha Rama.
