Në konferencën e përbashkët me ambasadorin e BE, Luigi Soreca, Rama komentoi qëndrimin e gjashtë organizatave ndërkombëtare të medias të cilat i kanë kërkuar qeverisë që të tërhiqet. Kreu i qeverisë tha se gazetarët nuk e kanë idenë për çfarë po flasin.
Sipas tij, kjo agjenci do të ngrihet për t’i gazetarët në punën e tyre. Madje ai u bëri presion gazetarëve duke u thënë se theksoi se nëse sjellin prova kjo agjenci do të shkrihet.
“Sot kam vetëm një përgjigje, e dini mu çfarë është agjencia për mediat dhe informimin. Modestish mendoj se nuk e keni idenë për çfarë po flisni. Jam shumë i gatshëm që të gjashtë organizatat ti pres, të ulemi si të dëshironi ju dhe të flasim, ju të pyesni ne të japim llogari.
Në fund të kuptoni se kjo agjenci është e kundërta e asaj që thoni. Është një mekanizëm për të garantuar transparencën maksimale në raport me ju. Nëse ju hasni një problem me një institucion dhe pengoheni të merrni informacionin t’i drejtoheni kasaj agjencie.
Përpara se të flisni shqip me qeverinë tuaj mbushni botën me alarme fallso. Për fantazma që janë në imagjinatën tuaj që nuk ekzistojnë. Nëse ju do të arrini në përfundimin që kjo agjenci duhet hequr unë do ta heq, por pa të sillni një provë që bën sens agjencia do të shkrihet. Por në të kundërt ju duhet ti shkruani gjithë këtyre njerëzve që keni alarmuar na falni,” tha ai.
