Së shpejti mbledhim tryezën e koalicionit për të vendosur çfarë do t’iu ofrojmë shqiptarëve në 4-vjeçarin e ardhshëm
Kryeministri Rama tha sot se së shpejti do të mblidhet tryeza e koalicionit qeveritar për të vendosur për të ardhmen e tij në mandatin e ri katër vjeçar.
Në komunikimin e tij me qytetarët përmes rrjeteve sociale, kryeministri vlerësoi PDIU-në si faktor të rëndësishëm në koalcionin qeveritar. “Së shpejti do të mbledhim tryezën e koalicionit për të vendosur çfarë do t’iu ofrojmë shqiptarëve në katër vjeçarin e ardhshëm. Ndërkohë që koalicioni ka një komponent të ri siç është PDIU, një forcë politike e rëndësishme në qeverisje”, tha Rama.
Kryeministri garantoi kështu vazhdimësinë e koalicionit qeveritar duke theksuar se gjithsesi ka shumë skeptikë ndaj këtij koalicioni, ashtu siç ka edhe shumë më tepër mbështetës. Rama tha se ka shumë mbështetës për faktin se ky koalicion është garancia për kryerjen e atyre reformave që nuk u bënë dot 20 e kusur vjet.
