Kryeministri Edi Rama duke folur nga Selenica tha se parlamenti i ri do të zhbllokojë vettingun.
“E gjithë kjo periudhë e qeverisjes sonë ka qënë jashtëzakonisht e vështirë pasi kemi qenë të detyruar të punojmë në një vend ku ende drejtësia është në kthetrat e gjykatësve dhe prokurorëve të korruptuar, të lidhur si mishi me thojin në ata që janë ngujuar në bunkerin prej plastmasi në bulevardin “Dëshmorët e kombit” për turpin e tyre nga frika e drejtësisë.
Kjo i ka mbledhur bashkë në bunkerin e turpit. Ata që drejtojnë PD dhe ata që vazhdojnë të qëndrojnë në krye të sistemit të drejtësisë janë të lidhur si mishi me thoin. Por të jeni të bindur se në 18 qershor ne do t’i zbrapsim njëherë e përgjithmonë. Të jeni të bindur se bllokimi i Vettingut për të çliruar drejtësinë do të mbarojë më 18 qershor, dhe të jeni të bindur se Parlamenti i ri menjëherë pas votimit të qeverisë së re do të votojë zhbllokimin”- tha Rama.
