Pas qëndrimeve të kundërta për mbajtjen e maskës gjatë pandemisë, kryeministri Edi Rama është shfaqur me një maskë tërësisht ndryshe me një trëndafil në njërën anë, duke inspektuar kantierin e ndërtimit në Fushë-Krujë.
Gjatë inspektimit, Rama paralajmëroi shqiptarët se nga e enjtja maska do të jetë më detyrim përveçse në ambientet e shtëpisë. “Të enjten maska është me detyrim, kudo, vetëm në shtëpi jo“, tha Rama.
“Tani pavarësisht motit duhet të punojmë pa pushim sepse pësuam një vonesë jashtë vullnetit tonëe nga karantina. E dimë që tani vështirësohet puna për shkak të motit por kjo është sakrifica që duhet bërë dhe duhet të bëjmë dhe nuk mund të vonohemi më për asnjë shkak dhe të punojmë sa të kemi mundësi”, deklaroi Rama.
