Një ditë pasi deklaroi ndryshimet në Qeveri, Kryeministri Edi Rama ka deklaruar se nuk e kam shkarkuar Saimir Tahirin, nuk kam shkarkuar asnjërin prej ministrave.
I ftuar në emisionin Top Story Rama tha se jemi në një moment kyç. 18 qershori nuk vendos vetëm kush fiton zgjedhjet, por edhe si do të jetë Shqipëria pas 10 vitesh.
Pjesë nga intervista
Sokol Balla: Si shpjegohet që larguat kampionin e ministrave, Saimir Tahirin?
Edi Rama: Një fakt që jam shumë krenar, ku në mjedisin opinionet i bëjnë burra që u duket vetja shumë të zgjuar, nuk është një fakt që ka rënë në sy, faktin që sot kemi një qeveri që ka 50 përqind burra dhe 50 përqind gra. Unë besoj që ky është një fakt që nuk meriton të lihet në harresë, por meqënëse në mjedisin tonë publik, aty ku bëhen thashetheme e konspiracione, nuk ka shans që një fakt i tillë të vlerësohet. Sot gratë shqiptare janë të përfaqësuara baraz me burrat.
Sokol Balla: Ju shkarkuar Tahirin se nuk ishte grua?
Edi Rama: Nuk thashë këtë. Unë dua të përmend me krenari këtë fakt.
Sokol Balla: Përse e larguat Saimir Tahirin?
Edi Rama: Unë nuk e kam shkarkuar Saimir Tahirin, nuk kam shkarkuar asnjërin prej ministrave. Jemi sot në një moment kyç. 18 qershori nuk vendos vetëm kush fiton zgjedhjet, por edhe si do të jetë Shqipëria pas 10 vitesh.
