Kryeministri Edi Rama tha se nuk është konsultuar me Delegacionin e Komisionit Evropian për legalizimin e kanabisit.
Gjatë një video-konference me gazetarët, Rama tha se po konsultohet për këtë propozim me ekspertë të fushës në disa vende, që kanë eksperienca të ngjashme.
“Nuk jemi konsultuar me Delegacionin e BE për legalizimin e kanabisit, unë thjesht ju përgjigja një pyetje. E vërteta është që nuk ka asnjë konsultim me Delegacionin e BE. Konsultimet po i bëjmë me ekspertë të fushës në disa vende, ku ka pasur eksperienca jo të legalizimit të hashashit, por të futjes në jetën ekonomike dhe veprimtarinë sipërmarrëse të vendit të përpunimit të kanabisit mjekësor”, theksoi kryeministri.
