Pas përfundimit të ceremonisë për 100-vjetorin e luftës së Vlorës, kryeministri Edi Rama ka reguar lidhur me çështjen e detit, ndërsa shprehet se nëse do kishte një marrëveshje të tillë, kreu i shtetit do të ishte në dijeni.
Gjithashtu kryeministri tha se deklarata e homologut grek në parlament po përdoret nga kundërshtarët e tij si karrem për të peshkuar ndërsa ironizoi duke thënë se ata që e hanë këtë karrem janë truspeshk.
“Nderojmë një moment të jashtëzakonshëm të historisë shqiptare në Vlorë. Kjo është pjesë e përjetimeve personale por është emocion i veçantë dhe ndjesi e një vepre që i qëndron kohës jo vetëm për përmbajtjen por edhe për veprën.
Nuk marr mungesat e opozitës. Nuk e kam dëgjuar por jam i bindur që presidenti e di shumë që ia fut kot se po të kishte marrëveshje presidenti do kishte dijeni për këtë. E përsëris dhe njëherë për ata që bien në grepat e atyre që bëjnë politikë me KÇK se nuk ka asnjë marrëveshje.
Negociatat me Greqinë u ndërprenë që pas ndryshimit të qeverisë në Greqi. Nuk ka asnjë marrëveshje me palën greke. Deklarata e ministrit grek nuk ka lidhje fare me Shqipërinë por me konceptin për t’u shtrirë me 12 milje aty ku i lejohet. Kjo është kthyer në karrem për të peshkuar.
Kjo është kthyer në histori qesharake. Nuk ka si të bëhet një marrëveshje kur nuk ka letra dhe procedura. Marrëveshja shkon nga grupi negociator, në qeveri të presidenti në Gjykatë Kushtetutese dhe më pas ratifikohet në parlament. Kush e ha këtë karrem është trupeshk”, tha Rama.
