Kryeministri Edi Rama në bashkëbisedimin me qytetarët në Korçë, foli për ato që quhen “oligarkë” në Shqipëri.
“Në Shqipëri nuk ka oligarkë. Askush nuk më detyron dot mua dhe qeverinë që të ndërmarrë hapa për të plotësuar kërkesat e tyre në dëm të interesit publik”, tha ai.
Rama foli edhe për taksën e sheshtë duke shtuar se sipas tij kjo taksë është për të pasurit dhe jo të varfrit.
“Taksa e sheshtë i duhet atyre që janë më të pasur. Vetëm nga taksa e sheshtë oligarkët në vit do të marrin mbi 50 milion euro të cila sot i fusin në buxhet. Problemi është se kemi hendek midis fakteve, shifrave dhe perceptimeve që krijohen nga propaganda. Në këto 7 vjet hapësira e kompanive për të pasur akses në punët publike është shumëfishuar. Për mua, duhen marrë këta oligarkët, e duhet parë çfarë kanë dhënë e çfarë kanë marrë, se flasim për ta, ose flitet për ta e duket sikur flitet për ca njerëz si personazhet e filmave me kulakë e figura e kulakut aty është qendrore por këta janë punëdhënësit më të mëdhenj të Shqipërisë, mbajnë në punë dhjetëra mijëra njerëz, kontributorë të drejtëpërdrejtë në buxhetin e shtetit me taksat e mbledhura që janë shumë më tepër se ishin para 7 viteve”, tha Rama
