Kryeministri Edi Rama vizitoi sot Korçën, ku inspektoi punimet për rikonstruksionin e plotë të konvikteve të studentëve.
Rama mbështeti idenë e vijimit të investimeve, për rikonceptimin e hapësirave të jashtme, fushave të stërvitjes dhe godinave ekzistuese, të cilat me kalimin e viteve janë amortizuar.
E gjithë kjo hapësirë, tha kryeministri do mund të përdoret gjatë muajve të pushimeve verore si hotel për ekipet që do zhvillojnë stërvitje në Korçë. E për këtë kërkoi projekt konkret, i cili do marrë mbështetjen e nevojshme financiare.
Pas kantiereve të hapura në rezidencat studentore në Tiranë, tashmë edhe në Korçë, investimet në përmirësimin e kushteve të jetës në konvikte do të vijojnë edhe në Vlorë dhe Shkodër.
