Partia Socialiste ka mbledhur Asamblenë Kombëtare. Mbledhja nisi me fjalimin e kryetarit të PS dhe njëherazi kryeministër i vendit, Edi Rama, i cili deklaroi:
Edi Rama: Ky është një takim i pazakontë në një kohë të pazakontë të vitit për mbledhje partie. Në një moment të pazakontë për këtë familje e cila ka përgjegjësinë të kujdeset për shtëpinë e madhe të Shqiptarëve për Shqipërinë, por e pazakontë është edhe mundësia që na ka dhënë në këtë fund vitit protesta e studentëve. Një mundësi e mirëseardhur në formën e një reagimi shumë kuptimplotë në emër të një jete më të mirë universitare.
Rama shtoi se “studentët më dhanë një shuplakë që mua më përvëlon njësoj si një ditë më parë dhe unë zgjodha të kthej faqen tjetër”.
Në Universitete tranzicioni vazhdon
Edi Rama: “Ky brez është fëmija që vuan deformimet e sëmundjeve të tranzicionit të pafundëm që ne i kemi dhënë fund në shumë drejtime por shumëkund deri tash vetëm në letër.
I kemi dhënë fund tranzicionit kur i thamë stop dritat nuk vidhen më.
Edhe kur kaluam ligjin e arsimit të lartë. Por dritat nuk vidhen më, ndërsa universiteti ka ligjin në letër por jo ligjshmërinë në jetën e përditshme. Tranzicioni vazhdon. Në drejtësi jemi në një kohë të ndërmjetme mes tranzicionit dhe fundit të tij. Tek pensionistët, prona jemi në kohë të ndërmjetme”
Çfarë do të ndodhë sot?
Gjatë Asamblesë do të paraqitet raporti për ecurinë e procesit të bashkëqeverisjes, si dhe një udhëtimin e zhvillimin e mëtejshëm të llogaridhënies publike.
“Do bëhet një analizë e thellë dhe e qartë e 12 qarqeve dhe 12 të deleguarve të tyre në këto qarqe për punën e tyre në terren. Qarkullojnë fjalë për ndryshime në kabinetin qeveritar, por ende të pakonfirmuara. Pritet një “furtunë” në qeveri, pasi nëse do të ketë ndryshime do të jenë shumë Ministra që do të lëvizin. Lëvizjet janë paralajmëruar dhe nga kryeministri, i cili ka rënë dakord se qeveria ka nevojë për një rifreskim. Rifreskim mund të ketë dhe në delegimin e kompetencave politike nëpër qarqe” raportoi gazetari jonë Sonil Frashëri.
Në axhendë janë parashikuar plot 8 pika, kryesisht me karakter organizimin e PS-së përpara zgjedhjeve vendore të 30 qershorit, ndërsa është parashikuar edhe Kongresi i PS në 30 mars 2019.
Axhenda e mbledhjes së Asamblesë Kombëtare të PS
1. Fjala e kryetarit të Partisë Solciliste, kryeministrit Edi Rama.
2. Raportim mbi performancën e qeverisë. Bashkëngjitur informacion nga analizat e zhvilluara nga partia Socialiste dhe grupit parlamentar me çdo ministër të qeverisë.
3. Raportim i Koordinatorit Kombëtar, Elisa Spiropali, për ecurinë e deritanishme të procesit të bashkëqeverisjes.
4. Udhëzim për zhvillimin e Llogaridhënies Publike të qeverisjes qendrore dhe vendore “Puna për Shqipërinë që duam”, prej datës 1 maj deri më 30 qershor 2018.
5. Informacion për punën e deritanishme mbi analizën e performancës së qeverisjes vendore.
6. Informacion mbi punën e strukturave vendore të partisë për kryerjen e disa veprimtarive organizative për periudhën janar-prill 2018.
7. Vendim për kuotizacionin e anëtarësisë së Partisë Socialiste për vitin 2018.
8. Çështje të tjera./Ora News.tv
