“Uroj që kjo asamble në Tiranë të jetë sukses dhe falenderoj në mënyrë të posaçme kryetarin e delegacionit shqiptar në asamble, Pandeli Majkon, tani i mbetet që të realizoj dhe një ëndërr tjetër, një bazë të NATO”
Kryeministri, Edi Rama, tha sot se anëtarësimi në NATO i Kosovës, Maqedonisë dhe Bosnjes, është dosmosdoshmëri jo vetëm për këto vende por është po kaq e rëndësishme për familjen eruoatlantike. Rama mbajti sot fjalim në Asamblenë Parlamentare të NATO-s, e cila po zhvillohet në Tiranë. Kryeministri theksoi rolin që aleanca do të ketë në Ballkan dhe në politikën e dyerve të hapura duke pranuar në familjen e saj Maqedoninë, Kosovën, Bosnjen.
“Koha që jetojmë na vë të gjithëve përballë sfidash të reja në përmasë dhe në rrezik përballë të cilave shumë prej mekanizmave tradicionalë që kanë imponuar këtë marrëdhënie krejtësisht kushtëzuese për Kosovën duhen lënë pas në emër të stabilitetit dhe sigurisë. Besojmë fort se integrimi i Kosovës në familjen euroatklantike është domosdoshmeri jo thjesht për Kosovën, Ballkanin por për të gjithë familjen Euroatlantike”
Në fjalën e tij, kryeministri hodhi idenë e një baze të NATO-s në Shqipëri. “Uroj që kjo asamble në Tiranë të jetë sukses dhe falenderoj në mënyrë të posaçme kryetarin e delegacionit shqiptar në asamble, Pandeli Majkon, që me ardhjen tuaj këtu ka realizuar një endërr shumë të vjetër, për të cilën jam dëshmitar, tani i mbetet që të realizoj dhe një ëndërr tjetër, një bazë të NATO”- tha Rama.
