Kryeministri i vendit Edi Rama ka kërkuar ndjesë për situatën e krijuar dje nga thirrja që u drejtoi punonjësve të policisë.
“Ndjesë për zhurmën e krijuar nga thirrja ime për policët. S’ishte aspak qëllimi im çka thonë keqdashësit,por gabimi mbetet imi.”- shkruan Rama në një postim në Facebook.
Rama nga Kuçova deklaroi dje: I bëj thirrje të gjithë punonjësve të policisë së shtetit në momentin që lënë uniformën pas punës të përkushtohen për të marrë sa më shumë vota për PSSh. Në 4 vitet e ardhshme ta bëjmë policinë që të jetë në mesataren e policive së BE.
Pas deklaratës së kryeministrit, ka reaguar menjëherë ministri i Brendshëm teknik i zgjedhur nga rradhët e PD-së, Dritan Demiraj. Ai tha se ligji për policinë e shtetit i ndalon punonjësit e policisë së shtetit që të mbështesin fushatën dhe policët që bëjnë fushatë dënohen me burg.
