Kryeministri Edi Rama u është drejtuar sërish me një mesazh grevistëve në Ballsh, ku thekson edhe njëherë se nuk mund të ulen për bisedime nëse nuk ndërpritet greva.
Në një postim në rrjetet sociale, Rama shkruan se qeveria nuk negocion nën presionin e askujt dhe nuk pranon ultimatume nga askush.
“Miqtë e mi jo, më vjen keq po ne nuk do të ulemi dot në tavolinë pa u mbyllur greva! Qeveria nuk negocion nën presionin e askujt dhe nuk pranon ultimatume nga askush. Mbyllni grevën dhe do të vij unë tek ju, menjëherë! Ndryshe s’ka bisedime dhe unë s’kam shkop magjik!”, shkruan Rama.
