Nga Shkupi ku ndodhet me delegacionin e tij për takimin e përbashkët me qeverinë e Maqedonisë së Veriut, kryeministri Edi Rama shfrytëzoi momentin për tu “mburrur” me vendimin e qeverisë për mos rritjen e çmimit të energjisë elektrike.
Në konferencën e përbashkët me homologun maqedonas pas mbledhjes së dy qeverive, Rama tha se kjo do të ketë kosto të larta për buxhetin, por qeveria ka vendosur ta përballojë, megjithëse duhet parë sa do t’i qëndrojë kryeministri deklaratave për muajt në vijim.
“Unë dua të përsëris shumëçka që kryeministri tha duke i dhënë përgjigje shteruese pyetjes. Dua të shtoj se lidhur me energjinë ne kemi vendosur kokëfortësisht të mos e prekim çmimin e energjisë për familjarët dhe biznesin e vogël. Kjo ka një kosto mjaft të lartë për buxhetin, por kemi vendosur ta përballojmë për të mos lejuar që kjo armë e krijuar nga Vladimir Putin të mos funksionojë dhe të jetë e neutralizuar. Ky është viti me thatësirën gjë që na vë në vështirësi edhe më shumë”, tha Rama.
Lexo edhe: Mbledhja e dy qeverive, Rama nuk lë pa përmendur “Ballkanin e Hapur”: E kemi qëllim parësor
