Grupi i PS ka miratuar kërkesën e Taulant Ballës për nisjen e procedurave për shkarkimin e kryetarit të KQZ, Zguri.
Në mbledhjen e sotme të grupit parlamentar të Partisë Socialiste, kryeministri Edi Rama deklaroi se po shikohet mundësia për ta shkarkuar, pasi preket nga ligji i dekriminalizimit.
“Me ekspertët e Kryeministrisë po shikohet edhe mundësia e shkarkimit të kryetarit të Bashkisë së Mallakastrës si i ndëshkuar nga gjykata italiane që përbën objekt dhe subjekt të ligjit të dekriminalizimit. Fakti që ka në xhep teserën e PD nuk e bën as me imunitet ndaj ligjit as virgjëreshë në raport me veprën që ka kryer dhe është ndëshkuar nga gjykata italiane”, tha Rama.
