Kryeministri Edi Rama ka shpërndarë një foto teksa zbret në aeroportin e Athinës ku do të takohet për një drekë pune me kryeministrin e Greqisë, Kyriakos Mitsotakis.
Në një postim në Facebook, Rama shkruan se me homologun grek do të diskutojë për koordinimin e luftës kundër COVID, forcimin e marrëdhënieve mes dy vendeve dhe integrimin europian të rajonit.
“Në Athinë për një drekë pune me Kryeministrin Mitzotakis, për të diskutuar mbi koordinimin e mëtejshëm në luftën e përbashkët kundër Covid19;forcimin e mëtejshëm të marrëdhënieve strategjike mes dy vendeve;bashkëpunimin rajonal dhe integrimin europian të rajonit tonë”, shkruan Rama.
Kreu i qeverisë mbylli dje vizitën 2-ditore në Turqi ku ndodhej me një pjesë të kabinetit të qeverisë së tij. Rama u takua në Stamboll me presidentin turk Recep Tayp Erdogan.
