Kryeministri Rama tha sot në Prishtinë se Kosova do të ketë një pikë doganore të vetën në portin e Durrësit. Në fjalën e tij në mbledhjene përbashkët të dy qeverive, Rama tha se të tjera masa do të ndërmerren midis dy vendeve për të lehtësuar shkëmbimet tregtare.
Rama: Marrëveshjet që do të nënshkruajmë sot për hetimin e përbashkët tatimor dhe doganor si dhe ajo për partneritetin kufitar, koordinon përpjekjet tona për të formalizuar dhe integruar ekonomitë tona. Hapat e mëtejshëm që po hedhim për të krijuar një pikë doganore të Kosovës në portin e Durrësit, për të harmonizuar akcizat, unifikuar çmimin e referencave për transportet dhe për të krijuar korridorin e gjelbër për produktet sezonale bujqësore, pa dyshim do t’i japin një hov të ri bashkëpunimit ekonomik”, tha Rama.
