Kryeministri Edi Rama ka deklaruar se është gati të ulet në një tryezë të thirrur nga presidenti.
Në një prononcim për mediat nga oborri i Kuvendit, Rama tha se koha nuk pret, ndërsa i bëri thirrje PD mos ketë frikë nga dialogu.
I pyetur për emrin e ri të Presidentit, Rama tha se ai do të dalë nga koalicioni PS-LSI. Në lidhje me koalicionin me LSI, Rama tha se mandatin e dytë të këtij koalicioni do ta përcaktojnë shqiptarët në 18 qershor.
“Është përsëri dhe përsëri momenti për të këmbënguluar për dialog. Ka një nismë të presidentit që ne e kemi përkrahur pa asnjë ngurim, duke nënvizuar se jemi të gatshëm të ulemi në tryezën e dialogut pa kushte dhe siç ndodhi në përpjekejn e mëparshme ka një vonesë që shpresoj mos jetë vonesë që paralajmërion dështimin e kësaj përpjekje tjetër.”, tha Rama.
