Kryeministri merr pjesë në Samitin e Investimeve të Ballkanit Perëndimor i organizuar nga Banka Europiane për Rindërtim dhe Zhvillim
Kryeministri Edi Rama deklaroi në samitin e investimeve për ballkanin në Londër, se vendi ynë ka ende punë për ta bërë sa i takon klimës së investimeve. Rama njoftoi të pranishmit në samit se situate ekonomike në Shqipëri ka nisur të përmirësohet
Kryeministri po merr pjesë në Samitin e Investimeve të Ballkanit Perëndimor i organizuar nga Banka Europiane për Rindërtim dhe Zhvillim (BERZH). Eventi po organizohet në Zyrat Qëndrore të BERZH në Londër. Në fjalën e tij kryeministri Rama tha se në krye të qeveriseë ka ndërmarrë reforma të shumta strukturore.
Në fjalën e tij në këtë samit, shefi i qeverisë shqiptare theksoi se duhet të krijojmë klimë të mirë biznesi ndërsa shtoi se performanca ekonomike është përmirësuar ndjeshëm.
Ai theksoi se procesi i Berlinit që nisi dy vjet më parë po rezulton një event shumë i rëndësishëm.
Presidenti i BERZH-it, Sir Suma Chakrabarti i cili hapi konferencën nënvizoi çështjet kryesore me çështjet kryesore. Samiti mblodhi bashkë kryeministrat e rajonit duke përfshirë Shqipërinë, Bosnja dhe Hercegovinën, Kroacinë, Kosovën, Maqedoninë, Malin e Zi dhe Serbinë.
