Kryeministri Edi Rama vazhdon të jetë këmbëngulës se paketa antishpifje nesër do të shkojë për miratim në seancën plenare të Kuvendit.
Rama shkruan se është i keqardhur për ata që mendojnë se po cenohet liria e shprehjes pasi nuk e kanë lexuar ligjin e ri.
“Keqardhje për ata që lirinë e shprehjes e përdorin për t’u ankuar për mungesën e lirisë;për ata që nxjerrin deklarata pa lidhje fare me ligjin e ri; për ata që çirren për diktat imagjinar mbi mediat dhe për të gjithë bashkë që as nuk e kanë lexuar tekstin. Projekti do të hyjë nesër për miratim në seancë pas një pune të përbashkët thuajse njëvjeçare me OSBE e i dakordësuar 100% me ekspertët e zyrës së Vienës nën drejtimin e Harlem Desir. I falenderoj për kontributin e çmuar dhe angazhimin në vazhdim për aktet nënligjore”, shkruan Kryeministri.
