Kryeministri Edi Rama ka inspektuar mesditën e sotme shkollën “Neim Babameto”, në Durrës, e cila po rindërtohet pas shkatërrimit nga tërmeti i 26 nëntorit 2019.
Sipas Ramës puna për këtë shkollë po bëhet me ritme marramendëse dhe shkolla do të jetë gati për nxënësit më 26 nëntor 2020.
“E rëndësishme është ta dëgjojnë të gjithë që me procedurat dhe ritmin tonë ne jemi duke shkuar drejt përfundimit. Faktikisht ne jemi 6 muaj përpara, që do të thotë që kemi punuar me një ritëm marramendës dhe po bëjmë maksimumin e mundshëm, pavarësisht se i kuptojmë edhe njerëzit që çdo ditë ju duket një vit, pasi duan të kthehen në shtëpi”, tha Rama.
