Opozita e bashkuar mban sot protestën e shtatë kombëtare para Kryeministrisë. Para pak fillimit të protestës burime nga Partia Demokratike bëjnë të ditur se në protestë do të marrin pjesë rreth 65 mijë qytetarë.
Ndërkohë ka nisur marshimi i protestuesve drejt zyrës së kryeministrisë. Protestuesit mbajnë në duar pankarta me mbishkrimet “Asnjë hap pas” dhe “Rama Ik”.
Kjo llogaritet të jetë protesta më e madhe kombëtare e organizuar nga opozita e bashkuar.
Njësoj si që nga 16 Shkurti, kërkesat e protestave të opozitës janë largimi i kryeministrit Edi Rama dhe krijimi i një qeverie tranzitore.
Protesta pritet të nisë zyrtarisht rreth orës 19.15-19.30 dhe folësi kryesor i saj do të jetë Kryetari i opozitës, Lulzim Basha. Opozita ka kërkuar leje që në mesnatë, dhe zërat thonë se skenari i protestës do të jetë një marshim në drejtim të institucioneve më të rëndësishme në vend.
Qarku Durrës – 9850 qytetarë
Qarku Kukës – 4100 qytetarë
Qarku Shkodër – 9600 qytetarë
Qarku Dibër – 3550 qytetarë
Qarku Lezhë – 7400 qytetarë
Qarku Korçë – 4600 qytetarë
Qarku Berat – 3050 qytetarë
Qarku Fier – 5800 qytetarë
Qarku Gjirokastër – 2400 qytetarë
Qarku Elbasan – 8200 qytetarë
Qarku Vlorë – 5250 qytetarë
