Kryeministri Edi Rama ishte sot në Qytetin Studenti, ku po prezantohej projekti për kampusin universitar. Por ndërsa kreu i qeverisë arsyetonte se fakti se përse nuk janë bërë godinat me kushte për studentët ka qenë një çështje mundësish dhe jo dëshirash, një vajzë ka reaguar duke i kujtuar Ramës se ai paguhet edhe me taksat e saj.
“Jo se po flas unë, të drejtën për të folur, suksese, tani, suksese, tani dil jashtë, tani. Kaq, tani dil jashtë, ashtu”, i ka thënë Rama, studentes.
Por pasi Klodjana Agaj, u largua nga salla ku Rama vijoi diskutimin mori autobusin dhe u nis për në shtëpi. Miku i saj, po ashtu student protestues, ka postuar fotografinë ndërsa thekson se e hëna do të jetë po njësoj.
“Pasi Rama e nxorri jashtë se nuk i pëlqente kundërshtimi në demokraci, po kthehemi për në shtëpi, është më ngrohtë se në konviktet 3D ? Të hënën do kthehemi prapë, prandaj “Rama anuloje at’ ligj!”, shkruan Kristjan Zoto.
