Kryeministri Edi Rama në konferencën për media në këto momente, dha urdhër nga mbledhja e qeverisë të mbyllen të gjitha ambientet e grumbullimit masiv të njerëzve, nga pabet, diskot, palestrat, lokalet etj.
“Jemi në kushtet ku shumëkush po luan me veten dhe të tjerët, me nënën dhe babin me motrën dhe vëllain duke i bërë karshillëk një armiku që s’ka as veshë as sy, që të hyn në mes e të thyen brinjët e gjunjët siç po ndodh në një vend aq të fortë.
Po i dridhen këmbët gjithë botës. Është tjetër histori sa e shërueshme është kjo epidemi. Bota sot s’mund të pranojë dhe as që një numër i vogël njerëzish të ikin pa iu bërë yzmetin e mbi të gjitha mos i vrasim ne duke u përqafuar e duke shtrënguar duart, duke shkuar nëpër pub-e, disko, e palestra.
Ne do i mbyllim të gjitha, pabe, disko palestra e mjedise që mbledhin shumë njerëz për të vendosur shëndetin të parin.
Më ka rënë mua të bëj edhe policin, edhe prindin edhe të keqen por duhet ta mirëkuptoni. Kjo është gjëja që duhet bërë”, u shpreh Rama.
