Kryeministri Edi Rama ka zhvilluar së fundmi një intervistë me gazetarin e Euronews, Jack Parrock.
I komentuar për veshjen e tij, zbathur dhe me të shkurtra, Rama duket mjaft sportiv kur flet edhe për çështjen e negociatave të Shqipërisë për në BE.
“Rruga deri në anëtarësim në BE është një rrugë e gjatë. Dyshoj se do të jem aty, kur të firmoset anëtarësimi. Do ta ëndërroja një gjë të tillë por dyshoj se do të jem aty pikësëpari.
Duhet të marrim parasysh faktin që gjithmonë e më shpesh procesi vendimtar i Këshillit nuk bazohet mbi ato që bëjmë, për ato që bëjnë vende si tonat, por mbi situatën e brendshme ose dinamikën e brendshme politike të shteteve të ndryshme anëtare”, tha kryeministri Rama nga vila qeveritare në Dhërmi ku po kalon pushimet verore.
