“Jemi gati ta dëgjojmë me vëmendje dhe me respekt të PD. Besoj se ekziston mundësia të biem dakord që mosdakordësitë tona ti trajtojmë në mënyrë të civilizuar”
Kryeministri Edi Rama i ka bërë ftesë publike kryetarit të Partisë demokratike Lulzim basha, për tu ulur në një tryezë të nivelit të lartë politik për të gjetur dakortësinë për reformën në drejtësi.
Gjatë konferencës së përbashkët për shtyp, me komisionerin e zgjerimit Johanes Hahn, Rama ftoi Bashën në bisedime pa praninë e ndërkombëtarëve për të gjetur një zgjidhje përfundimtare përmes dialogut mes palëve.
“Ftoj publikisht PD dhe lidershipin e saj të ulemi në një tryezë të dialogut të lartë politik mes nesh pa praninë e çmuar të miqve dhe jemi gati ta dëgjojmë me vëmendje dhe me respekt të PD. Besoj se ekziston mundësia që të biem dakord që mosdakordësitë tona ti trajtojmë në mënyrë të civilizuar. Ekziston mundësia ti ndajmë axhendat partiake apo reformat legjitime të një shumice që qeveris nga axhenda kombëtare”, tha Rama.
Kryeministri ka sqaruar kryetarin e opozitës se reforma në Drejtësi nuk mund të kushtëzohet me intepretimin e një vendimi të Gjykatës Kushtetuese. “Konfirmuam nga ana jonë vullnetin e palëkunduar për të realizuar reformat me bindjen se nuk është dhimbja, sakfricikat një detyrim që ia kemi Brukselit por fëmijëve tanë për Shqipërinë e gjeneratës tjetër. Konfirmuam angazhimin për reformën e thellë të drejtësisë, si një reformë kyçe, që në raport me Brukselin do krijojë kushtet për të çelur negociatat por dhe për të ndërtuar një sistem të denjë drejtësie”, tha Rama.
