Ish-kryeministri Sali Berisha ka bërë një reagim në rrjetet sociale lidhur me Asamblenë e PS-së, ku kryeministri Edi Rama është duke folur për sfidat që e presin në këtë mandat si edhe pritshmëritë për mandatin e katërt.
Berisha i është përgjigjur online duke publikuar një fjalim të tijin të mbajtur disa vite më parë para demokratëve.
Duket se bëhet fjalë për një fjalim të mbajtur në 25 vjetorin e krijimit të Partisë Demokratike, ku Berisha shprehet se ajo duhet të kthehet në një dritë shprese për shqiptarët, të cilët nuk duhet të gjejnë zgjidhjen tek ikja jashtë, por ndërtimi i jetës këtu.
