Pas raportit të Departamentit Amerikan të Shtetit mbi investimet në Shqipëri, Kryeministri Edi Rama foli për një tjetër panoramë. Rama tha se modeli ekonomik i bazuar te prodhimi, eksportet dhe turizmi, kanë krijuar bazën për një zhvillim të qëndrueshëm.
Kryeministri e pranoi se në zërin e investimeve të huaja duhet të bëhet më shumë.
“Nga epoka e rritjes së bazuar te boom i ndërtimeve kaotike dhe remitancave, sot kemi hyrë në një epoke të re dhe falë pranisë së kësaj kompanie prestigjioze, çelim siparin e një faze ku të tjera kompani në tregun e automobilave do të shfaqen. Kemi nevojë për shumë më tepër investime të huaja. Kemi nevojë për ndërhyrje domethënëse në sektorët strategjike duke nisur nga turizmi”, shtoi kryeministri.
