Pas përfundimit të mbledhjes së grupit parlamentar të Partisë Socialiste mëngjesin e sotëm, janë mësuar disa nga udhëzimet e kryeministrit Edi Rama.
Rama është treguar i prerë me deputetët duke thënë: “Harrojini emerimët e drejtorëve. Do te jenë me konkurs. Na propozoni emra, por po fitoi ndonje tjetër më i mire, mos më hyni mik. Rekrutojini me parti pasi të bëhen drejtora pas konkursit”.
Në mbledhjen që zgjati dy orë, u diskutua për axhendën parlamentare. Kreu i grupit të PS, Balla tregoi se çfarë do të ndodhë me rendin e ditës dhe kërkoi që të mos ketë debat për Reformën Zgjedhore.
Në orën 11:00 pritet të ketë dhe një mbledhje të qeverisë.
