Kryeministri Edi Rama, tha se reforma sociale e këtyre viteve të fundit ka rezultuar pozitive për shtresat në nevojë.
Në një takim me përfitues të Paktit Kombëtar të Mirëqënies Sociale në Vlorë, Rama theksoi se reformat janë e vetmja mënyrë për të kuruar sëmundje të rënda kronike, dhe theksoi që qeveria do vazhdojë reformat por më parë duhet të kalojë vettingu.
“Që është bërë shumë nuk diskutohet, që mbetet shumë për t’u bërë nuk diskutohet. Por nuk diskutohet që ka dhe shumë për të humbur nëse nuk vazhdohet me reformat. Janë e vetmja rrugë për të kuruar sëmundje të rënda kronike.
Nuk jemi në kushtet kur mund të themi se sektorët janë ripërtërirë tërësisht dhe mund të fillojnë të gjenerojnë por jemi në kushtet kur mund të them nga njëra anë është ndalur hemorragjia, janë riaktivizuar funksionet vitale të shtetit. Tani duhet të vazhdojmë me këmbëngulje çdo hap për të rimëkëmbur organizmin e shtetit”, u shpreh Rama.
