Kryeministri Edi Rama ende nuk ka reaguar pas vendimit të Gjykatës së Shkallës së Parë për Krimet e Rënda për ish-ministrin e Brendshëm Saimir Tahiri.
Ditën e djeshme Rama ishte në Itali në panairin e Fiera del Levante, për të folur për turizmin dhe të ashtuquajturën “ekonomi blu”.
Sot në mëngjes kryeministri preferoi të postojë në rrjetet sociale një mesazh që nuk kishte të bënte me çështje Tahiri.
Ditën e sotme Rama do të niset drejt Velipojës ku do të drejtojë Këshillin Rajonal të Veriut, ku pritet që fokusi do të jetë organizimin e zgjedhjeve dhe organizimi i Kongresit, por edhe çështja e nxehte e Bashkisë Shkodër.
