Kryetari i Bashkisë Kamëz, Rakip Suli, vazhdon të shtrydh fondet e për rrugët në zonat periferike të Kamzës dhe të kënaqë disa biznesmenë që bashkëpunojnë në abuzimet me tenderët. Kështu, arnimi i gropave në këtë bashki ka kosto të lartë sepse ka brenda edhe çmimin e korrupsionit.
Këtë herë, Suli prezanton riparimin në rrugët Ramadan Sino+Lukovë+Linie+Butrint. Bëhet fjalë për tenderin me objekt Rikonstruksion Rruga “Nënë Tereza”+ Ndërtim Rrugët ” Ramadan Sino+Lukove+Linie+Butrinti+ seg.pingul me rrugën Fushë Arrëz”, për të cilin janë parashikuar të investohen rreth 700 milionë lekë.
Këto rrugica janë ekzistente dhe të shtruara, por duke qenë se nuk janë mirëmbajtur nga bashkia janë amortizuar.
Tashmë rikonstruksioni i tyre do të nxjerrë nga arka 700 milionë lekë, që Suli i ndan pa garë. Edhe kur ka shumë oferta për një prokurim, kryetari sërish zgjedh të eliminojë konkurrencën dhe çdo pengesë për t’i çuar lekët tek miqtë e tij.
Janë 20 kompani që kanë paraqitur interes për këtë tender dhe sërish kontrata u dha pa garë. Kjo ndodhi për shkak se 19 propozime, Suli as nuk ka marrë mundimin që t’i shqyrtojë, por i ka skualifikuar që në fazën e parë. Pra, raportohet si e suksesshme vetëm oferta e kompanisë Shpresa-Al SHPK, në pronësi të biznesmenit të njohur Lush Osmani.
Për këto shkelje të rregullave të ligjit mbi Prokurimet Publike, Open Data Albania i ka vendosur “Flamurin e kuq” këtij tenderi, si kambanë alarmi për riskun e korrupsionit..
Kush është Lush Osmani
Lush Osmani është një nga ‘skifterët’ e tenderëve, që i ka shpëtuar drejtësisë dhe tashmë vazhdon abuzimet pa frikë. Biznesmeni përfiton fonde të mëdha përmes Shpresa.al, por edhe kompanive të tjera që ai zotëron.
Në 25 tetor të 2019, Policia e Durrësit shpalli në kërkim me urdhër të prokurorisë pronarin e kompanisë ‘Shpresa.al”, Lush Osmani. I dyshuar si organizator dhe përfitues si skemës së tjetërsimit tokë shtetërore pranë Kepit të Rodonit.
Osmani u shpall në kërkim policor si i dyshuar edhe për përfitimin e një godine në mënyrë korruptive si pjesë e një grupi të strukturuar kriminal dhe disa javë më pas, Osmani u vetëdorëzua në Policinë e Durrësit.
Fillimisht Prokuroria kërkoi izolimin e tij. Por më pas, e ndërroi masën në “Detyrim paraqitje” kundrejt garancisë pasurore dhe Gjykata e Durrësit e liroi. Mirëpo, llogaritë e hapura me drejtësinë nuk e kanë penguar Osmanin të jetë i preferuari i qeverisë për tenderët.
Ndërsa kryebashkiaku Suli, pas kallëzimit për veprat penale “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike”, është marrë nën hetim nga SPAK.
SPAK po kryen hetime ndaj kryebashkiakut dhe zyrtarëve të bashkisë edhe për disa raste të abuzimeve me kompensimet e fondit të rindërtimit pas tërmetit.
Kryetari i Bashkisë Kamëz, Rakip Suli, vazhdon të shtrydh fondet e për rrugët në zonat periferike të Kamzës dhe të kënaqë disa biznesmenë që bashkëpunojnë në abuzimet me tenderët. Kështu, arnimi i gropave në këtë bashki ka kosto të lartë sepse ka brenda edhe çmimin e korrupsionit.
Këtë herë, Suli prezanton riparimin në rrugët Ramadan Sino+Lukovë+Linie+Butrint. Bëhet fjalë për tenderin me objekt Rikonstruksion Rruga “Nënë Tereza”+ Ndërtim Rrugët ” Ramadan Sino+Lukove+Linie+Butrinti+ seg.pingul me rrugën Fushë Arrëz”, për të cilin janë parashikuar të investohen rreth 700 milionë lekë.
Këto rrugica janë ekzistente dhe të shtruara, por duke qenë se nuk janë mirëmbajtur nga bashkia janë amortizuar.
Tashmë rikonstruksioni i tyre do të nxjerrë nga arka 700 milionë lekë, që Suli i ndan pa garë. Edhe kur ka shumë oferta për një prokurim, kryetari sërish zgjedh të eliminojë konkurrencën dhe çdo pengesë për t’i çuar lekët tek miqtë e tij.
Janë 20 kompani që kanë paraqitur interes për këtë tender dhe sërish kontrata u dha pa garë. Kjo ndodhi për shkak se 19 propozime, Suli as nuk ka marrë mundimin që t’i shqyrtojë, por i ka skualifikuar që në fazën e parë. Pra, raportohet si e suksesshme vetëm oferta e kompanisë Shpresa-Al SHPK, në pronësi të biznesmenit të njohur Lush Osmani.
Për këto shkelje të rregullave të ligjit mbi Prokurimet Publike, Open Data Albania i ka vendosur “Flamurin e kuq” këtij tenderi, si kambanë alarmi për riskun e korrupsionit..
Kush është Lush Osmani
Lush Osmani është një nga ‘skifterët’ e tenderëve, që i ka shpëtuar drejtësisë dhe tashmë vazhdon abuzimet pa frikë. Biznesmeni përfiton fonde të mëdha përmes Shpresa.al, por edhe kompanive të tjera që ai zotëron.
Në 25 tetor të 2019, Policia e Durrësit shpalli në kërkim me urdhër të prokurorisë pronarin e kompanisë ‘Shpresa.al”, Lush Osmani. I dyshuar si organizator dhe përfitues si skemës së tjetërsimit tokë shtetërore pranë Kepit të Rodonit.
Osmani u shpall në kërkim policor si i dyshuar edhe për përfitimin e një godine në mënyrë korruptive si pjesë e një grupi të strukturuar kriminal dhe disa javë më pas, Osmani u vetëdorëzua në Policinë e Durrësit.
Fillimisht Prokuroria kërkoi izolimin e tij. Por më pas, e ndërroi masën në “Detyrim paraqitje” kundrejt garancisë pasurore dhe Gjykata e Durrësit e liroi. Mirëpo, llogaritë e hapura me drejtësinë nuk e kanë penguar Osmanin të jetë i preferuari i qeverisë për tenderët.
Ndërsa kryebashkiaku Suli, pas kallëzimit për veprat penale “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike”, është marrë nën hetim nga SPAK.
SPAK po kryen hetime ndaj kryebashkiakut dhe zyrtarëve të bashkisë edhe për disa raste të abuzimeve me kompensimet e fondit të rindërtimit pas tërmetit.
