Kreu i Partisë Demokratike, Sali Berisha u pyet gjatë bashkëbisedimit me ndjekësit në rrjete sociale edhe në lidhje me qëndrimet kritike të ish ministres së Jashtme, Elisa Spiropali dhe përplasjen me kryeministrin Edi Rama pasi nuk mori pjesë në seancën e Kuvendit ku socialistët, me votat e tyre, nuk lejuan heqjen e imunitetit të Belinda Ballukut.
Sipas Berishës, Spiropali u largua nga posti i ministres me urdhër të ish zv kryeministres, pasi nuk e mbrojti te faktori ndërkombëtar ndërsa përballet me akuzën e shkeljes së barazisë në tendera dhe SPAK ka kërkuar arrestimin.
“Elisa Spiropalin e flaku Lubi Balluku, ia kam thënë edhe në parlament. Sepse Spiropali nuk mund të mbronte vjedhjet flagrante të Ramës e Lubi Ballukut në takime ndërkombëtare dhe Edi Rama e largoi atë menjëherë me urdhër të Lubi Ballukut, se çfarë do të bëj nuk kam ndonjë interes se çfarë do të bëjë Elisa.”, tha Berisha.
