Kryebashkiaku ndan çmimet për veprat e artit që do të zbukurojnë sheshet e kryeqytetit
Një ndër fituesit e shpallur nga bashkia Tiranë për vepra arti në sheshet e kryeqytetit, është edhe një prej aktivistëve kundër bashkisë për ndëtimin e këndit të lojrave të Parku i Liqenit.
Eljan Tanini është përzgjedhur si fitues nga Bashkia, me veprën e tij të artit të titulluar “Raketa”. Ndoshta e ka merituar dh eta gëzojë veprën e tij që do të mbetet në një prej shesheve të kryeqytetit.
“Raketë, origam ose avion që imiton aeroplanët prej letre, të cilët i bëjnë fëmijët në lojërat e tyre, si një vepër kulti që i kushtohet lojës së fëmijës bashkë me të dhe memories së qytetit. Do të jetë 11 metër i gjatë, rreth 2.5 m i gjerë, sa gjatësia reale e një avioni “Mig” që dikur gjendej shpesh në ish fushën e aviacionit. Ky avion letre që mban mbi shpinë pjesëza letërsie për fëmijë nga kartonët e asaj kohe, personazhe fëmijësh etj”, na njofton Bashkia Tiranë.
Kryetari i Bashkisë së Tiranës Erjon Veliaj, ka shpallur çmimet për disa vepras arti që do të vendosen në sheshet e Tiranës. Në këtë aktivitet, Veliaj është shfaqur duke shtrënguar duart me Eljan Taninin me të cilin u përball pak javë më parë në protestën tek Parku i Liqenit. Me sa duket mosmarrëveshjet i kanë lënë pas krahëve, se “arti i bashkon njerzit” sipas kryebashkiakut.
“Gjëja e bukur ka atë fuqi transformuese në kulturë dhe sjellje qytetare, të cilën nuk e realizon dot as bashkia, as policia, as rojet dhe kamerat në rrugë. Unë besoj se efekti i veprave të para që do të vendosim në parqe dhe sheshet tona publike, fillimisht do të sjellin një ndryshim në kulturë, para se të sjellin ndryshim në infrastrukture”, tha Veliaj.
