Pas Kryeministrisë, protestuesit janë zhvendosur para Bashkisë së Tiranës, ku të revoltuar bëjnë thirrje: O Erion o legen, prite popullin se po vjen. Protestuesit po u bëjnë thirrje qytetarëve që të bashkohen në këtë manifestim të tyre.
Ata kërkojnë që qytetarët të bashkohen sërish në orën 17:00 përpara kryeministrisë, ndërsa të shtunën, ashtu sikurse edhe javën që sapo lamë pas, në orën 11:00 të zhvillohet një marshim mbarëkombëtar.
Kujtojmë që në protestën e kësaj të hëne, qytetarët zbuluan tri kërkesat për kryeministrin Edi Rama.
E para kishte të bënte me heqjen e taksës së qarkullimit mbi naftën, e dyta të pezullohet përkohësisht akciza mbi hidrokarburet dhe e treta të rishikohet minimumi jetik.
Qytetarët thanë se afati për plotësimin e këtyre pikave është 18 marsi, ndërsa shtuan se në të kundërt, do të kërkojnë dorëheqjen e kryeministrit Edi Rama.
