Qytetarët e Tiranës janë grumbulluar për të tretën ditë radhazi para kryeministrisë për të protestuar për uljen e çmimeve të naftës dhe produkteve ushqimore dhe duke thirrur “Rama ik”. Me pankarta në duar, ata kanë ardhur nga disa anë të kryeqytetit dhe janë ndalur në bulevardin “Dëshmorët e Kombit”, para Kryeministrisë. Ata tashmë kanë lënë sheshin përballë kryeministrisë dhe janë shpërndarë në rrugët e Tiranës duke u kërkuar drejtuesve të mjeteve të fikin makinat.
Ndërkohë që protesta janë zhvilluar në të gjithë vendin edhe përgjat ditës së sotme, ku qytetarët kanë bllokuar akset kryesore të rrugëve.
Kujtojmë qe ditën e djeshme protesta u tensionua ku mbi 20 qytetarë janë shoqëruar për bllokimin e rrugës dhe për tubim pa leje. Sipas policisë, protestuesit nuk kishin marrë leje për organizimin e protestës, ndërsa për disa minuta ata bllokuan Bulevardin “Dëshmorët e Kombit”.
