Qindra qytetarë po marrin pjesë në protestë në qytetin e Shkodrës. Qytetarët kanë nisur të marshojnë nëpër qytet duke pezulluar lëvizjen e automjeteve.
Nuk kanë munguar pankartat, përmes të cilave qytetarët përpiqen të japin mesazhet e tyre. Ndërkohë po zhvillohet protestë në Tiranë dhe disa qytete të Shqipërisë për rritjen e çmimit të naftës që ka sjellë edhe rritjen e çmimit të produkteve të tjera.
Pas reagimit të kryeministrit Edi Rama, çmimi i naftës këtë të premte ka nisur të ulet, por sipas një burimeve dhe vëzhgimeve të kryera nga gaztearët e 27.al në të gjithë vendin, vihet re se disa kompani ende abuzojnë duke e mbajtur çmimin më lart se të tjerët.
Gjithashtu 27.al raporton se aktualisht protestat janë duke u zhvilluar në Tiranë, Durrës, Berat, Lezhë, Lushnjë, Bulqizë, Shkodër.
Ndërkohë gjatë ditës së premte në protestat e zhvilluara në të gjithë vendin, nuk kanë munguar as përplasjet me policinë.
