Katër pacientë janë nisur drejt QSUT në Tiranë, nga Spitali i Skraparit dhe ai i Beratit pasi kanë shfaqur simptoma të njëjta me ato të koronavirusit.
Edhe pse deri tani nuk ka asnjë njoftim zyrtar qoftë nga spitalet akomoduese por dhe nga QSUT-ja, të katër pacientët kanë pasur temperaturë të lartë dhe bllokim të rrugëve të frymëmarrjes.
Mësohet se një vajzë 22 vjeçe kishte pak ditë që ishte kthyer nga Italia.
Vajza që sapo ishte kthyer nga Italia ishte fqinje me një çift bashkëshortësh, të cilët po ashtu kishin simptoma të njëjta me të. Të tre pacientët e mësipërm kanë qëndruar disa ditë të shtruar në Spitalin e Skraparit por sot është parë e arsyeshme dhe janë nisur drejt Tiranës. Lajmi konfirmohet nga një infermiere e spitalit të Skraparit, e cila është kërcënuar së bashku me infermierët e tjerë nga drejtuesit e spitalit që të mos tregojnë në lidhje me rastet.
Gjithashtu, një tjetër pacientë nga Skrapari i cili ishte i shtruar në Spitalin e Beratit, kishte shfaqur temperaturë të lartë dhe bkllokim të rrugëve të frymëmarrjes ndaj është nisur në QSUT.
