Ish-ministri i Bujqësisë, Edmond Panariti ka komentuar prezantimin e platformës së “qeverisë tranzitore” nga ana e kreut të PD-së Lulzim Basha.
I ftuar në studion e lajmeve në News 24, Panairiti u shpreh se kjo qeveri nuk duhet të jetë udhëheqëse e proceseve zgjedhore ndërsa nuk kurseu edhe një apel për Qeverinë, nga e cila kërkoi të dëgjojë kërkesat e opozitës.
“Përpara se unë të hyj në detajet e qeverisë tranzitore mendoj që momenti është të kuptojmë që kjo qeveri nuk mund të jetë udhëheqëse e proceseve zgjedhore. Është çështje që Qeveria ndodhet përballë një fakti kompromentues të rëndë për mbajtjen e zgjedhjeve. Kemi ende kohë dhe i bëj apel Qeverisë që të dëgjojë kërkesën e opozitës. Janë raste skandaloze që bën një qeveri e pëgjegjshme për të bërë një hap mbrapa për ta vendosur në binaret e normalitetit.”- u shpreh Panariti.
