Kryetari i Partisë Demokratike, Lulzim Basha ka mbledhur sot opozitën e bashkuar, ku prezantoi platformën për Zgjedhje të Lira e të Ndershme dhe detyrat e qeverisë tranzitore.
I pyetur gjatë konferencës, Basha tha se qëllimi ishte që diskutimi të fokusohet në thelbin e 10 detyrave që parashikohet të ketë Qeveria e re pa Edi Ramën kryeministër dhe që do të garantojë zgjedhjet e lira e të ndershme.
“Afati do të jetë i mjaftueshëm për të garantuar procesin zgjedhor. Afati dhe procedurat e tjera do të shpalosen në vijim, por fillimisht fokusi duhet të jetë mbi detyrat që duhet të ketë Qeveria tranzitore”, deklaroi Basha.
