Nënkryetarja e Partisë Demokratike, Jorida Tabaku, ka rikthyer sërish në vëmendje rritjen e çmimeve për ushqimet. Gjatë mbledhjes në Komisionin e Ekonomisë, ajo tha se ky është një shqetësim që po prek drejtpërsëdrejti qytetarët Dhe nuk duhet ta lëmë të kaloj lehtë. mTabaku theksoi se, rritja e çmimeve dhe e inflacionit po varfërojnë më shumë njerëzit dhe se përgjegjëse kryesore është qeveria me politikat e saj të gabuara. Deputetja solli si shembull taksat e rritura ketë vit për fermerët.
“Rritja e taksave për fermerët në fund të 2021 ka sjellë dhe rritjen e çmimeve të produkteve bujqësore! Sot fermerët janë duke dështuar dhe duke hedhur produktin e tyre sepse rritja e taksave po ndikon drejtë për drejtë në punën e tyre!” theksoi ajo.
Nënkryetarja e PD kërkoi një dëgjesë me Ministrinë e Financave për situatën e rritjes së çmimeve dhe efektin e politikave fiskale tek qytetarët, të cilat ndikojnë në varfërimin e mëtejshëm. Së fundi, llogaritet se 51% e popullsisë në Shqipëri është në rrezik varfërie dhe përjashtimi social.
